«ФинансКредитБанк» ААК Башкарма Төрагасы Жакыпов Манас, "Финансылык кызматтарынын жеткиликтүүлүгү" КР УБ аймактык форумга катышты.

11 октябрь 2018 жылы, Ош шаарында болуп өткөн "Финансылык кызматтарынын жеткиликтүүлүгү" аттуу КР УБ аймактык форумга «ФинансКредитБанк» ААК Башкарма Төрагасы  Жакыпов Манас катышты.

Иш-чара КР Президентинин "2018 -жылы Аймактарды өнүктүрүү жылы" деп жарыяланган жарлыгынын алкагында, КР Улуттук банкы жана Кыргыз Республикасынын Өкмөтүнүн колдоосу менен уюштурулду.

Форумга Кыргыз Республикасынын Улуттук банкынын  жетекчилиги, Кыргыз Республикасынын Өкмөттүн, Ош областындагы ыйгарым укуктуу өкүлү, Баткен жана Жалал-Абад областтык  администрацияларынын, мерияларынын өкүлдөрү,  Ош областынын райондорунун өкүлдөрү, Депозиттерди коргоо  агенттигинин ,   «Кыргызстан банктар бирикмесинин», Россия-Кыргыз өнүктүрүү фондунун,  «Гарантиялык фонд», ААКсынын,  «Мамлекеттик  ипотекалык компания» ААКсынын,  «Банктар аралык процессинг борбору» ЖАКтын, өлкөнүн коммерциялык банктарынын жетекчилиги жана бизнес коомчулугун өкүлдөрү катышты.  

Форумда, аймактарда  жашаган калкты жана ишкерлерди сапаттуу жана кымбат эмес жеткиликтүү финансы кызмат көрсөтүүлөрү менен камсыз кылуу жагында Улуттук банк жана өлкөнүн банк сектору менен биргеликте  кабыл алынып жаткан чаралар, иш-аракеттер тууралы кыскача айтылды.. Ишкерлер финансылык инститтун өкүлдөрүнө суроо берип, жооп алуугү мүмкүнчүлүк туулду.

"Аймактарды өнүктүрүү жылы" деп жарыяланган жарлыктын алкагында «ФинансКредитБанк» ААКу  мал-чарба жана жашылча-жемиш өнүктүрүү үчүн "Агро" насыялоо программасын атайын иштеп чыкты. Насыя боюнча толук маалыматты дыйкандар жана фермерлер ФинансКредитБанктын бардык филиалдарынан ала алышат.